亂丟蕉皮的「美人」

本文曾刊載於 2022-04-20《明報》加西版 無心的約會 專欄

反送中示威者手持標語

美女通常顧及形象，唔會亂丟蕉皮；芳鄰美國人卻喜歡丟香蕉皮。就算是盟國，都會被跣到攤攤腰，醫番都嘥藥費。

芳鄰順手一丟，蕉皮跌落鄰國。精人出手丟蕉皮，笨人出手扣留孟晚舟。結果兩個米高、油菜籽、豬肉和加中關係先後遭殃。最諷刺係擾攘咗千幾日，加拿大勞民傷財，美人卻唔玩，讓孟簽了延期起訴協議後放人。

呢塊蕉皮送俾香港，接見異見人士，將烏克蘭橙色革命運用到香港，讚揚美麗風景線和衝擊立法會，譴責無死人的警暴，警告咪出動解放軍，將義士提名諾貝爾和平獎。怎料天道輪迴，芳鄰國會山莊被佔領，出動國民警衛軍，六死數百人被補，卻譴責示威為暴動。四川變臉宗師，都甘拜下風！

芳鄰帶頭外交制裁北京冬奧，173 個國家冇跟仲簽埋奧運休戰協議。剩低幾個一於 2 仔底死跟。話口未完，芳鄰轉軚為 40 幾位官員申辦入境中國簽證，美其名要照顧支援運動員，其餘宣稱抵制的國家卻被跣低。

芳鄰長臂一揮，蕉皮掟到歐洲。法國為澳洲建造常規潛艇的巨額協議，因美英澳 AUKUS 協定，芳鄰和英國將為澳洲建造核潛艇搶生意而告吹。法國五千億港元見財化水，唔嬲就假，與歐盟氣得七孔生煙。

聲稱協助烏克蘭邁向自由民主的芳鄰，令烏克蘭深信有芳鄰、北約、歐盟撐腰和能夠加入北約。結果俄烏開戰，芳鄰卻聲言不會派一兵一卒助戰，只會隔岸撥火，出吓錢和口術、捐贈武器和瘋狂制裁，令台灣也感同身受和心寒。

烏克蘭戰機被俄摧毀，芳鄰請波蘭將國內米格29戰機送交用慣同款戰機的烏克蘭，並願以

F-16 補償或售予波蘭，間接令波蘭捲入戰爭。波蘭你精我唔呆，來記神來之筆，說將戰機送往德國的芳鄰基地，你哋自己交收！美人計被識穿，改為叫土耳其向烏克蘭轉讓俄制 S-400 防空導彈對付俄軍，土耳其真係睬你都傻！